Arion banki leitast við að tryggja fjármögnun á hagkvæmum kjörum og skapa þannig bankanum samkeppnisforskot á einstaklings- og fyrirtækjamarkaði.
Samsetning fjármögnunar Arion banka er ákjósanleg og styður vel við lausafjárstöðu bankans. Hún gerir bankanum kleift að standast álag í töluverðan tíma og vera óháður kvikri fjármögnun og utanaðkomandi stuðningi.
Markmiðið er að draga úr misræmi milli tiltekinna eigna og skulda, hafa ákjósanlegt hlutfall innstæðna og heildsölufjármögnunar og jafnvægi í endurgreiðsluferli bankans.
Fjármögnunarstefna Arion banka styður við stefnu og ímynd bankans og felur í sér að bankinn ætlar að vera leiðandi útgefandi á Íslandi, þökk sé góðum samskiptum við fjárfesta, öflugri upplýsingagjöf og góðu lánshæfismati óháðra aðila.