Óverðtryggð lán hækka ekki með verðbólgu. Lánin eru til allt að 40 ára og er lánað fyrir allt að 80% af markaðsvirði eignar.
Lánstími er til allt að 40 ára.
Á Íbúðalán I er gerð krafa um 1. veðrétt og er hámarksveðhlutall 70% af fasteignamati eða markaðsvirði eða því sem lægra reynist.
Íbúðalán II fer á 2. veðrétt eða samfelldan veðrétt á eftir íbúðalánum frá bankanum.
Hámarksveðhlutfall er 80% af markaðsvirði eignar.
Uppgreiðslugjald er á lánum með föstum vöxtum fyrstu 3 eða 5 árin, eða á meðan lán er á föstum vöxtum. Á lánum með föstum vöxtum í hluta eða allan lánstímann og útgefnum 1. nóvember 2013 eða síðar er uppgreiðslugjald 1%, með þeirri undantekingu að heimilt er að greiða umframgreiðslur inn á lán allt að 1.000.000 kr. á hverju almanaksári án uppgreiðslugjalds.
Íbúðalán á breytilegum vöxtum er án uppgreiðslugjalds.
Uppgreiðslugjald á lánum útgefnum fyrir 1. nóvember 2013 er almennt 2%.
Önnur gjöld eru samkvæmt verðskrá Arion banka á hverjum tíma. nta fjármálaráðgjöf
Ég er með verðtryggt/óverðtryggt/blandað lán, get ég skipt yfir í aðra tegund? Já, viðskiptavinum stendur til boða að skipta yfir. Það sem þarf að gera er:
|
Getur bankinn gert kröfu um tryggingar lántakanda? Arion banka hf. er heimilt að krefjast þess að útgefandi íbúðarláns hjá bankanum taki viðeigandi vátryggingu í tengslum við útgáfu íbúðarlánsins. Skuldari hefur frjálst val um vátryggjanda í þessum tilvikum |
Til hversu margra ára eru íbúðalán? Á íbúðaláni I getur lánstími verið allt að 40 ár með jöfnum greiðslum (annuitet) eða jöfnum afborgunum. Greiðslubyrðin er talsvert lægri ef lánið er tekið til 40 ára en á móti kemur að lántakandi hefur greitt hærri vaxtakostnað í lok lánstímans. Eignamyndun er því hraðari ef lánstími er styttri. Lánstími íbúðaláns II er allt að 40 ár ef um óverðtryggt eða blandað lán er að ræða eða 25 ár ef um verðtryggt lán er að ræða. |
Hvað gerist ef lántaki stendur ekki við skuldbindingar samkvæmt lánasamningi? Ef ekki er staðið við skuldbindingar samkvæmt samningi verður lántakandi krafinn um að greiða dráttarvexti vegna vangoldinna greiðslna. Einnig verður lántakandi krafinn um að greiða allan kostnað sem kann að koma til vegna vanskila, t.d. vegna innheimtubréfa, málsókna eða annarra réttargjalda, lögmannsþóknunar, svo og annan lögfræðilegan kostnað vegna innheimtu skuldarinnar. Þá geta vanskil leitt til þess að allt lánið verði gjaldfellt og sett í lögfræðilega innheimtu sem getur leitt til þess að veðtrygging verður seld á nauðungaruppboði. |
Ef lántaki fer að skilmálum og skilyrðum, eru lán þá í öllum tilfellum að fullu greidd að lánstíma liðnum? Greiðslujöfnun er úrræði skv. l. nr. 63/1985 um greiðslujöfnun fasteignaveðlána til einstaklinga er léttir tímabundið á greiðslubyrði af reglulegum afborgunum verðtryggðra lána. Lánin eru þá tengd greiðslujöfununarvísitölu í stað vísitölu neysluverðs. Ef afborgun láns samkvæmt greiðslujöfnunarvísitölunni er lægri en afborgun samkvæmt vísitölu neysluverðs er mismuninum á greiðslunum frestað þar til greiðslujöfnunarvísitalan hækkar á ný umfram neysluvísitöluna. Mismunurinn er færður á sérstakan jöfnunarreikning sem bætist við höfuðstól lánsins. Ef skuld er á jöfnunarreikningi eftir að upprunalegum lánstíma er lokið skal endurgreiða hana á sömu gjalddögum lánsins. |
Er eitthvað hámark á lánsupphæð íbúðalána hjá ykkur? Hámarkið takmarkast af veðrými og greiðslugetu lántakanda. |
Hvaða reglur gilda um veðsetningu? Hámarks lánshlutfall á íbúðaláni I er 70% af fasteignamati eða kaupverði/verðmati ef það er lægra en fasteignamat. Íbúðalán II fer á 2. veðrétt á eftir íbúðaláni I og veðhlutfall er allt að 80% að kaupverði/verðmati. Heildarupphæð íbúðalána má ekki vera hærra en sem nemur samanlögðu brunabótamati og lóðamati íbúðarhúsnæðis en í ákveðnum póstnúmerum takmarkast það við samtölu brunabótarmats og 2 x lóðarmats. |
Eru einhverjar takmarkanir á því í hvað má nota það lán sem tekið er? Íbúðalán er hægt að nota við kaup á íbúðarhúsnæði til eigin nota eða til endurfjármögnunar á eldri lánum. Í raun má nota endurfjármögnunarlánið hvernig sem lántakanda hentar, til að fjármagna viðgerðir eða endurbætur, til að greiða upp eldri óhagstæðari lán, yfirdrátt eða aðrar skuldir. |
Er hægt að taka íbúðalán til að endurfjármagna eldri lán? Já, ef umsækjandi stenst greiðslumat. |
Er hægt að velja greiðslufyrirkomulag? Já, það er hægt að velja á milli jafnra greiðslna og jafnra afborgana. |
Hverjir eiga möguleika á að taka íbúðalán? Lánin eru einungis ætluð einstaklingum sem kaupa eða endurfjármagna húsnæði til eigin nota, en ekki t.d. fyrir einkahlutafélög eða aðra rekstraraðila. Ekki er gerð krafa um að lántakendur séu í viðskiptum við bankann. |
Veitið þið íbúðalán vegna ósamþykktra íbúða? Nei en í sumum tilfellum eru veitt fasteignalán upp að ákveðnu veðhlutfalli. Hver lánsumsókn vegna ósamþykktra íbúða er metin sérstaklega. |
Getur trygging láns verið utan Íslands? Samkvæmt lánareglum getur lán í erlendum gjaldmiðli haft tryggingu í erlendri mynt. Þar sem Arion banki veitir einstaklingum einungis lán í íslenskum krónum getur trygging því ekki verið utan Íslands. |
Er mögulegt að greiða upp íbúðalán og hvað myndi það kosta? Það er hægt að greiða upp íbúðalán hvenær sem er, en lán sem bera fasta vextir eru með uppgreiðslugjaldi sem getur verið allt að 2% eftir aldri lánsins. Þegar um er að ræða sölu á fasteign og núverandi skuldari óskar eftir því að nýr eigandi fasteignar yfirtaki íbúðalán þá er bankinn tilbúinn að framkvæma slíkt ef nýr greiðandi stenst greiðslumat. |
Ég er með yfirdrátt og skuldabréf hjá Arion banka og lífeyrissjóðslán annarsstaðar. Hvað þarf ég að greiða í lántökukostnað ef ég skuldbreyti þessu í íbúðalán? Það er misjafnt hjá öðrum lánastofnunum hvort þar er krafist uppgreiðslugjalds. Við endurfjármögnn er ekki er veittur afsláttur af lántökugjaldi. |
Er meiri áhætta að vera með fasta vexti á íbúðalánum en breytilega? Það þarf ekki að vera. Vaxtastig getur tekið reglulegum breytingum. Ef vaxtastigið hækkar talsvert og lán er breytilegum vöxtum getur það reynst óhagstæðara fyrir lántakandann því vextir lánsins hækka. Að sama skapi getur vaxtastig lækkað og vextir lánsins einnig sem getur reynst hagstætt fyrir lántaka. |
Velkomin á vefsíðu Arion banka. Þessi síða notar kökur (e. cookies) til að auðvelda þér að vafra um vefinn, geyma upplýsingar um stillingar o.fl. Sjá skilmála hér.