Nýtt útlit á vottun Visa við staðfestingu á netfærslum

Frá og með 10. nóvember verður lítilsháttar breyting á vefsíðu sem birtist þegar korthafar eru beðnir að staðfesta netkaup með staðfestingarkóða. Ferlið er að öðru leyti óbreytt.

Þegar korthafar greiða með korti fyrir netviðskipti hjá söluaðila sem krefst þess að kortið sé vottað af Visa birtist vefsíða þar sem korthafi er beðinn um að slá inn staðfestingarkóða. Staðfestingarkóðinn er sendur í smáskilaboðum í það símanúmer sem er skráð hjá handhafa kortsins.

Hér má sjá útlit vefsíðunnar eftir breytingu:

Við minnum á mikilvægi þess að staðfesta ekki færslu með öryggisnúmeri nema upphæð viðskipta og nafn söluaðila á vefsíðu og í SMS skilaboði stemmi við þau kaup sem verið er að framkvæma.

Á vef Arion banka er fræðsluefni um Vottun Visa og góð ráð fyrir netverslun.

Nánari upplýsingar á vef Valitor.