Arion banki styrkir Bleiku slaufuna, söfnunar- og árvekniátak Krabbameinsfélagsins

Eins og flestum er kunnugt um er októbermánuður tileinkaður Bleiku slaufunni, en hún er tákn Krabbameinsfélagsins í baráttunni gegn krabbameini hjá konum. Sem fyrr en Arion banki stoltur styrktaraðili átaksins. 

Arion banki festi kaup á um 1000 slaufum og gaf starfsfólki bankans og hvetjum við alla til að styrkja Krabbameinsfélagið með kaupum á Bleiku slaufunni. 

Það er Stefán Bogi Stefánsson hönnuður og gull-og silfursmiður sem rekur gullsmiðjuna Metal design á Skólavörðustíg sem hannaði slaufuna í ár. Þetta segir Stefán um gripinn: 

„Bleika slaufan 2014 hefur mjúka hringlaga lögun sem vísar til umhyggju og verndar og er bleiki steinninn í enda slaufunnar sem lítil skínandi heillastjarna.“

Við hvetjum alla til að bera slaufuna á meðan á átakinu stendur og sýna þannig stuðning við baráttu Krabbameinsfélagsins.

Bleika slaufan á facebook.