„Pinnið á minnið“ frá og með 19. janúar

Frá og með mánudeginum 19. janúar nk. verður undanþága til staðfestingar kortafærslna án pinn númers afnumin. Frá og með þeim tíma verður ekki hægt að staðfesta greiðslur með greiðslukortum með því að ýta tvisvar á græna hnappinn eins og verið hefur. Þessi breyting á við um greiðslukort allra banka, þar með talin bæði debet-og kreditkort frá Arion banka. 

Notkun pinn númers er mikilvægt öryggisatriði og dregur verulega úr líkum á misnotkun stolinna eða glataðra greiðslukorta. Því er gerð krafa um notkun þess í öllum tilfellum.

Gera má ráð fyrir að einhver hópur korthafa komi til með að þurfa á undanþágu frá þessari kröfu að halda, m.a. sökum fötlunar eða af heilsufarsástæðum, og eru þeir hvattir til að hafa samband við bankann.

Pinn númer debet- og kreditkorta frá Arion banka eru aðgengileg í netbankanum og Arion appinu. Nánari upplýsingar um pinn númer og „Pinnið á minnið“ má finna hér hér.