Erindi Benedikts á Umhverfisdegi atvinnulífsins

Benedikt Gíslason bankastjóri Arion banka flutti erindi á Umhverfisdegi atvinnulífsins þann 14. október síðastliðinn og fjallaði um græna framtíð og stefnu bankans í umhverfismálum. Hann sagði bankann mikilvægan hlekk í hagkerfinu sem hafi áhrif á hvert stefni þegar kemur að aukinni sjálfbærni. Þá fjallaði hann um þann risavaxna vanda sem fylgir losun gróðurhúsalofttegunda í andrúmsloftið og um áhrif þess að ganga um of á villta náttúru og raska jafnvægi vistkerfisins.

Arion banki setti sér umhverfisstefnu árið 2015 og hefur minnkað kolefnissporið í eigin rekstri um 30% en markmiðið er að draga úr losun um a.m.k. 40% fyrir árið 2030. Frá árinu 2023 verða einungis keyptir bílar fyrir starfsemina sem ganga fyrir 100% endurnýjanlegum orkugjöfum og samstarf hefur verið við Kolvið um kolefnisjöfnun rekstursins svo eitthvað sé nefnt. Benedikt fjallaði einnig um einstök verkefni bankans sem snúa að sjálfbærni s.s. eignastýringu, græn innlán, vistvæn bílalán og íbúðalán til umhverfisvottaðs húsnæðis.

Samantekt á erindi Benedikts og fyrirlesturinn má nálgast hér.