Vel mætt á morgunverðarfund um samvinnuleið

Arion banki, breska sendiráðið á Íslandi og bresk-íslenska viðskiptaráðið buðu til morgunverðarfundar fimmtudaginn 3. október um fjármögnun innviðaverkefna með samvinnuleið (public-private partnership).

Fundurinn var vel sóttur og kom margt áhugavert fram. Sigurbergur Björnsson, skrifstofustjóra hjá samgönguráðuneytinu, upplýsti að samgönguráðherra stefni að því að leggja fram frumvarp um samvinnuleið (PPP) við fjármögnun samgönguframkvæmda í nóvember. Þórdís Kolbrún Reykfjörð Gylfadóttir, iðnaðarráðherra flutti jafnframt erindi á ráðstefnunni. Í máli hennar kom fram að hún teldi að fyrirhugað frumvarp samgönguráðherra gæti orðið góður grundvöllur að heildstæðri lagasetningu um samvinnuleið.