Það er ekki allt mælt í peningum - ráðstefna í Arion banka
Ísland er í 4. sæti á lista 133 þjóða þar sem hin svokallað SPI vísitala er mæld. Þrátt fyrir góðan árangur eru blikur á lofti og ekki sjálfgefið að Ísland eigi fastan sess meðal fremstu þjóða í þessum mælingum.
SPI vísitalan (Social Progress Index) er mat á samfélagslegum innviðum þar sem eingöngu er tekið tillit til samfélagslegra þátta en ekki hagrænna eins og almennt er gert þegar verið er að meta frammistöðu ríkja. Hér er því í raun verið að kynna nýja nálgun á samkeppnishæfi þjóða.
Næstkomandi fimmtudag, 28. maí, verður haldin ráðstefna í Borgartúni 19 um málefnið frá kl. 15.00 – 18.00.
Ráðstefnan er haldin á vegum Gekon í samstarfi við Arion banka og Deloitte. Meðal þeirra sem koma fram eru Michael Green, ritstjóri og forstöðumaður Social Progress Imperative á heimsvísu, Ólafur Ragnar Grímsson forseti Íslands og Ólafur Darri Andrason, hagfræðingur Alþýðusambands Íslands. Sjá nánar um dagskrá og upplýsingar um skráningu hér.
Þess má geta að Michel Porter, prófessor við Harvard og einn fremsti frumkvöðull á sviði stefnumótunar í heiminum í dag, er upphafsmaður SPI vísitölunnar.
Um SPI
SPI vísitalan byggir á þremur lykilþáttum:
- Grunnþarfir einstaklingsins
Er viðkomandi samfélag að sjá um að grunninnviðir þess séu ásættanlegir?
a. Grunnheilbrigðisþjónustu og almenn næring
b. Aðgangur að vatni og hreinlætisaðstæður
c. Húsaskjól
d. Öryggi borgaranna
- Grunnur að vellíðan einstaklingsins
Eru aðstæður í samfélaginu með þeim hætti að einstaklingar og fyrirtæki/sveitarfélög geti gengið að og viðhaldið velferð?
a. Aðgangur að grunnmenntun
b. Aðgengi að upplýsingum og samskiptamöguleikar
c. Heilsa og almenn líðan
d. Sjálfbærni og umhverfisþættir
- Tækifæri einstaklingsins
Eru fyrir hendi tækifæri fyrir einstaklinga að nýta hæfileika sína og getu til árangurs
a. Mannréttindi
b. Skoðanafrelsi
c. Umburðarlyndi samfélagsins
d. Aðgangur að framhaldsmenntun
Nánari upplýsingar um stöðu Íslands og upplýsingar um vísitöluna má finna hér fyrir neðan: