Opið fyrir umsóknir í Startup Reykjavik

Opnað var fyrir umsóknir í Startup Reykjavik fyrr í dag og óskum við nú eftir öflugum teymum með nýjar lausnir á sviði tækni og skapandi greina, ætlaðar alþjóðamarkaði.

Fimmtíu fyrirtæki hafa tekið þátt í verkefninu frá árinu 2012 og hafa þau samtals fengið um 1,6 milljarða íslenskra króna í fjármögnun. Skráning fer fram á startupreykjavik.com.

Startup Reykjavik er samstarfsverkefni Arion banka og Icelandic Startups. Arion banki er eigandi verkefnisins og fjárfestir jafnframt 2,4 milljónum króna í hverju fyrirtæki sem valið er til þátttöku.