Nýr stjórnarmaður kjörinn í stjórn Arion banka

Hluthafafundur Arion banka fór fram 20. nóvember í höfuðstöðvum bankans, Borgartúni 19. Á fundinum var kjörinn nýr stjórnarmaður, Brynjólfur Bjarnason, sem kemur inn í stjórn í stað Björgvins Skúla Sigurðssonar. 

Stjórn Arion banka skipa nú: Monica Caneman, formaður stjórnar, Guðrún Johnsen, varaformaður stjórnar, Benedikt Olgeirsson, Brynjólfur Bjarnason, Kirstín Þ. Flygenring, Måns Höglund og Þóra Hallgrímsdóttir. 

Brynjólfur Bjarnason 

Brynjólfur var framkvæmdastjóri Framtakssjóðs Íslands frá 2012 til 2014. Á árunum 2007 til 2010 starfaði hann sem forstjóri Skipta. Brynjólfur var forstjóri Símans frá 2002 til 2007. Hann starfaði sem forstjóri Granda hf. frá 1984 til 2002. Frá 1976 til 1983 starfaði Brynjólfur sem framkvæmdastjóri AB bókaútgáfu. Brynjólfur var auk þess forstöðumaður hagdeildar VSÍ á árunum 1973 til 1976. Brynjólfur hefur mikla reynslu af stjórnarsetu og hefur setið í fjölmörgum stjórnum í gegnum tíðina og gegnt stjórnarformennsku í nokkrum þeirra. Brynjólfur hefur setið í stjórn Genís síðan 2011 og í stjórn Leikritunarsjóðs Leikfélags Reykjavíkur síðan 2009.

Brynjólfur útskrifaðist með MBA-gráðu frá University of Minnesota árið 1973. Hann útskrifaðist með cand.oecon.-gráðu í viðskiptafræði frá Háskóla Íslands árið 1971.