Kringluútibúið er framúrskarandi annað árið í röð

Útibú Kringlunnar fékk nýlega viðurkenningu frá Rekstrarfélagi Kringlunnar fyrir að vera „Fyrirmyndarfyrirtæki Kringlunnar 2016“ með einkunnina ,,framúrskarandi“. Um er að ræða þjónustukönnun sem gerð er á vegum rekstrarfélagsins en útibúið fékk sömu viðurkenningu árið 2015.

Margrét Stefánsdóttir, þjónustustjóri í Kringluútibúi, er að vonum ánægð með góðan árangur:
„Það er mjög ánægjulegt að fá þessa viðurkenningu annað árið í röð. Við settum okkur það að markmiði í fyrra að ná svokallaðri þrennu, en sérstök viðurkenning er veitt til þeirra fyrirtæka sem fá 100% skor þrjú ár í röð. Við stefnum á að ná sama skori að ári og fá þrennuna í hús.“