Lið Arion banka tekur þátt í WOW Cyclothon

Líkt og fyrri ár tekur Arion banki þátt í hjólreiðakeppninni WOW cyclothon. Undanfarna mánuði hefur hópur vaskra hjólreiðagarpa í hjólaklúbbi bankans æft stíft fyrir keppnina en í lok maí var endanlegt keppnislið valið á úrtökumóti klúbbsins.

Að þessu sinni sendir bankinn blandað lið tíu keppenda og mun liðið leggja af stað frá Egilshöll kl. 19:00 í kvöld. Markmið liðsins er ekki einungis að hjóla hringinn í kringum Ísland á sem skemmstum tíma heldur einnig að safna áheitum fyrir Slysavarnarfélagið Landsbjörg.

Við óskum hjólagörpum Arion banka góðs gengis og hlökkum til að fylgjast með þeim á leiðinni um landið. Hægt er að fylgjast með liðinu á Facebook-síðunni WOW – Arion banki en tekið er á móti áheitum á vefsíðu WOW cyclothon.