Arion banki með mestu hlutdeild á hlutabréfamarkaði fjórða árið í röð

Arion banki var með mestu hlutdeildina á hlutabréfamarkaði árið 2019. Bankinn velti rétt tæpum 248 milljörðum króna á hlutabréfamarkaði sem samsvarar 20,5% hlutdeild en þetta er jafnframt fjórða árið í röð sem bankinn er stærstur á hlutabréfamarkaði.

Á árinu 2019 fóru umtalsverð viðskipti með hlutabréf í Marel í gegnum Arion banka en velta bankans með bréf í Marel nam 59 milljörðum króna sem er fjórðungur allra viðskipta með Marel í Kauphöllinni. Auk þess var Arion banki með mestu veltuna í Högum, Festi, Heimavöllum, Reitum, Sjóvá og Vís. 

Arion banki velti 432 milljörðum króna á skuldabréfamarkaði í fyrra sem var þriðja mesta veltan á árinu.