Nýsköpunarkeppni grunnskólanna - fjármáladagur í Arion banka

Arion banki er sem fyrr aðalstyrktaraðili Nýsköpunarkeppni grunnskólanna en keppnin er ætluð nemendum í 5.-7. bekk. Alls bárust 1750 hugmyndir og voru 27 valdar úr til að keppa.

Á morgun, laugardaginn 21. maí, verður haldinn fjármáladagur fyrir þátttakendur í höfuðstöðvum bankans.Í boði verður metnaðarfull dagskrá þar sem meðal annars Breki Karlsson, forstöðumaður um fjármálalæsi, verður með fjármálafræðslu á léttu nótunum og frumkvöðlarnir í Jungle Bar segja frá sinni vegferð og veita krökkunum innblástur. Þátttakendur fá að lokum tækifæri til að spreyta sig í gerð einfaldra viðskiptalíkana. 

Hér fyrir neðan má sjá dagskrá fjármáladagsins:

13:00  Mæting
13:10  Hvatningarorð - Tómas Ingason, forstöðumaður Gæði, öryggi og hönnun á upplýsinga- og tæknisviði Arion banka
13:20  Jungle Bar kynning - Stefán Atli Thoroddsen
13:35  Allt sem þú þarft að vita um peninga - Breki Karlsson, Stofnun um fjármálalæsi
14:10  Kaffihlé
14:30  Viðskiptalíkön (Canvans) - Haraldur Hugosson, sérfræðingur hjá Icelandic Startups
15:00  Æfing
15:50  Samantekt Canvans - Haraldur Hugósson, sérfræðingur hjá Icelandic Startups
16:00  Dagskrá lýkur