Nú bíður gjaldeyririnn eftir þér í Keflavík

Arion banki opnaði í maímánuði útibú í flugstöðinni á Keflavíkurflugvelli. Það er spennandi verkefni að þjónusta ferðamenn sem eru að koma til landsins eða stefna út í heim.

Flugstöð Leifs Eiríkssonar er eitt stærsta markaðstorg landsins og því mikið um að vera og hefur Arion banki komið upp þremur afgreiðslum í flugstöðinni. Höfuðáhersla er á gjaldeyrisþjónustu og endurgreiðslu virðisaukaskatts.

Viðskiptavinir Arion banka hafa um nokkurt skeið getað pantað gjaldeyri á netinu og sótt hann í útibú bankans. Í tengslum við opnun útibúa í flugstöðinni þá hefur Arion banki opnað nýjan vef, gjaldeyrir.is. Þar gefst viðskiptavinum bankans sem og viðskiptavinum annarra banka kostur á að panta gjaldeyri sem svo er hægt að sækja í útibú okkar á Keflavíkurflugvelli. Gæti ekki verið þægilegra.

Arion banki hefur einnig hafið útgáfu fyrirframgreidds greiðslukorts sem er ætlað erlendum ferðamönnum hér á landi. Kortið heitir einfaldlega Currency card. Kortið er hægt að nota á öllum þeim sölustöðum sem taka við Visa kortum. Nánar má lesa um kortið á vefnum currencycard.is.