Heildstæð upplifun um mánaðamót

Arion banki hefur unnið að því að bæta enn frekar upplifun viðskiptavina þegar framkvæmdar eru mánaðarlegar aðgerðir á borð við að greiða reikninga, ráðstafa lausafé, jafna útgjaldatoppa o.s.frv. Markmiðið er að auka yfirsýn viðskiptavina yfir eigin fjármál og hvetja til sparnaðar en einnig að auðvelda dreifingu reikninga þegar þörf er á.

Meðal nýjunga sem eru nú þegar aðgengilegar í netbanka eru einföld leið til að stofna reglulegan sparnað og flýtileiðir til að greiða reikninga, millifæra og greiða inn á kreditkort. Þá hefur forsíða netbankans verið endurbætt og veitir nú skýrari yfirsýn yfir stöðu, veltu, sparnað og komandi afborganir á reikningum. Einnig er nú auðveldara fyrir viðskiptavini að nýta sér aðrar þjónustur sem bankinn býður upp á.

Á næstu dögum bætast við fleiri spennandi nýjungar í Arion appinu sem gera besta bankaappið á Íslandi enn betra.

Þessar nýjungar, líkt og aðrar sem bankinn hefur kynnt á síðustu misserum, eru afrakstur þróunarvinnu Arion banka sem miðar að því að veita viðskiptavinum betri og þægilegri bankaþjónustu.