Arion banki er kyndilberi stafrænnar vegferðar

Íslensku vefverðlaunin voru afhent 13. mars síðastliðinn en árlega veita Samtök vefiðnaðarins, SVEF, verðlaun fyrir þá vefi og veflausnir sem þykja skara fram úr.

Arion banki fékk sérstaka viðurkenningu dómnefndar og var útnefndur kyndilberi í stafrænni vegferð. Í lýsingu frá dómnefnd kemur fram:

,,Kyndilberar í stafrænni vegferð setja þarfir notenda í fyrsta sæti og stefna fyrst og fremst að því að veita þeim aukna þjónustu og ánægjulega upplifun. Til þess að ná þessu markmiði þarf oft að leysa flókin tæknileg vandamál, samþætta áður ótengd kerfi og hugsa langt út fyrir kassann. Erfiðið er þess virði enda skilar það sér í framúrstefnulegum lausnum fyrir notendur.“

Þá fékk bankinn verðlaun fyrir tæknilausn ársins fyrir tryggingar í Arion appinu. Í umsögn dómnefndar kemur fram:

,,Tæknilausnin sýnir fram á mikinn metnað í aukinni þjónustu við notendur. Þjónustan er ný af sínu tagi og er framkvæmd á stílhreinan hátt. Notendaupplifunin er traustvekjandi og ánægjuleg.“

Við hjá Arion banka erum afar stolt af árangrinum og þökkum kærlega fyrir viðurkenningarnar. Við munum halda ótrauð áfram að þróa stafrænar lausnir fyrir viðskiptavini og að bjóða áfram upp á framúrskarandi stafræna bankaþjónustu.