Arion banki hlýtur verðlaun fyrir lífeyrismál í Arion appinu

Íslensku vefverðlaunin voru afhent 26. mars síðastliðinn en árlega veita Samtök vefiðnaðarins, SVEF, verðlaun fyrir þá vefi og veflausnir sem þykja skara fram úr.

Að þessu sinni hlaut Arion banki verðlaun fyrir tæknilausn ársins fyrir lífeyrismál í Arion appinu. Í umsögn dómnefndar kemur fram:

,,Tæknilausn ársins er virkilega vel leyst útfærsla á annars flóknum og yfirgripsmiklum upplýsingum. Lausninni tekst að draga vel saman á notendavænan og fallegan hátt flóknar upplýsingar af mörgum stöðum. Tæknilausnin ráðleggur notanda og dregur fram kjarnann í vafaatriðum tengdum lífeyrismálum.“

Við hjá Arion banka erum afar stolt af árangrinum og þökkum kærlega fyrir viðurkenninguna. Við munum halda ótrauð áfram að þróa stafrænar lausnir fyrir viðskiptavini og að bjóða upp á framúrskarandi stafræna bankaþjónustu.

Nánar um lífeyrismál í Arion appinu