Arion appið er besta bankaappið á Íslandi
Arion appið er besta bankaappið á Íslandi samkvæmt niðurstöðum könnunar MMR. Könnunin var framkvæmd dagana 15.-21. júní og byggja niðurstöðurnar á svörum ríflega 1.000 álitsgjafa MMR. Könnunin sýnir mikla ánægju notenda Arion appsins en 79% aðspurðra sögðust frekar eða mjög ánægðir með Arion appið. Þá töldu 52,4% svarenda Arion appið það besta á íslenskum bankamarkaði.
Við kunnum viðskiptavinum okkar bestu þakkir fyrir þessa frábæru dóma. Niðurstaðan er okkur hjá Arion banka mikið fagnaðarefni og staðfestir árangur bankans á sviði stafrænna lausna.
Arion banki mun áfram leggja áherslu á að veita þægilega bankaþjónustu fyrir framtíðina. Þess vegna munum við halda áfram að breyta og bæta Arion appið í samstarfi við viðskiptavini okkar samhliða þróun enn fleiri stafrænna þjónustuleiða.