Frjálsi lífeyrissjóðurinn
Stærsti séreignasjóður landsins, opinn öllum og án skylduaðildar. Arion hefur annast rekstur og eignastýringu sjóðsins frá upphafi.
Sérhæfing í rekstri lífeyrissjóða
Sérsniðin rekstrarþjónusta fyrir lífeyrissjóði sem vilja útvista starfseminni sinni, að hluta eða í heild, allt eftir þörfum hvers sjóðs. Við mótum þjónustuna í nánu samráði við viðskiptavini til að hámarka skilvirkni, lágmarka rekstraráhættu og tryggja að þjónustan uppfylli markmið sjóðsins. Með stærðarhagkvæmni og sérhæfingu náum við árangri til lengri tíma.
Viltu vita meira um þjónustuna? Sendu okkur línu á throunogrekstur@arionbanki.is og við höfum samband.
Langtímaviðskipti byggð
á trausti og fagmennsku
Lífeyrisauki
Séreignasjóður bankans sem býður upp á viðbótarlífeyrissparnað. Arion hefur annast rekstur og eignastýringu sjóðsins frá stofnun 1998.
EFÍA
Eftirlaunasjóður félags íslenskra atvinnuflugmanna er opinn öllum félagsmönnum FÍA. Arion hefur annast rekstur og eignastýringu sjóðsins frá 2012.
Lífeyrissjóður Rangæinga
Samtryggingarsjóður opinn öllum, með skylduaðild fyrir ákveðin aðildarfélög. Arion hefur annast rekstur og eignastýringu sjóðsins frá 2000.
LSBÍ
Hlutfallssjóður fyrir starfsmenn Búnaðarbanka Íslands, lokaður nýjum sjóðfélögum frá árinu 1998. Arion hefur annast rekstur og eignastýringu sjóðsins frá 2003.
Áhersla á stafrænar lausnir
Markmið okkar er að veita öfluga, áreiðanlega og sveigjanlega lausn sem einfaldar rekstur lífeyrissjóða og bætir upplifun sjóðfélaga.
Við höfum lagt mikla áherslu á stafræna vegferð til að mæta þörfum sjóðfélaga og launagreiðenda. Sjóðfélögum býðst einstök yfirsýn yfir lífeyrismál sín í Arion appinu.
Þá höfum við jafnframt lagt áherslu á sjálfvirknivæðingu og nýtt tæknina til að endurhanna vinnuferla í rekstri sjóðanna með það að markmiði að minnka rekstraráhættu og auka hagkvæmni.
Þjónustuþættir
Þjónusta við sjóðfélaga
Gott aðgengi að sérfræðingum bankans sem veita sjóðfélögum og launagreiðendum persónulega og fjölbreytta þjónustu m.a. útgreiðsluráðgjöf fyrir sjóðfélaga og erfingja.
Gæða- og áhættustýring
Virk gæða- og áhættustýring, úttektir og greiningar sem tryggja öruggan rekstur. Lykilþjónusta við innri endurskoðun, regluvörslu og persónuverndarráðgjöf.
Samskipti við ytri aðila
Samskipti við aðra lífeyrissjóði og stofnanir auk þátttöku í verkefnum á vegum Landssamtaka lífeyrissjóða.
Nákvæm og skilvirk bakvinnsla
Nákvæm og skilvirk bakvinnsla sem styður við rekstur lífeyrissjóða ásamt öflugri innheimtuþjónustu.
Stafrænar lausnir
Sjóðfélagar fá góða yfirsýn yfir lífeyrissparnað sinn og lífeyrissjóðslán í Arion appinu sem er í stöðugri framþróun.
Stuðningur við starfsemi
Aðstaða til stærri funda og undirbúningur við framkvæmd þeirra, skýrslugjöf o.fl.
Fróðleikur fyrir stjórnir
og starfsfólk lífeyrissjóða
Lífeyrisbókin er fræðirit sem veitir víðtæka innsýn í málefni lífeyrissjóða og er ætlað stjórnum, starfsfólki og öllum þeim sem vilja dýpka þekkingu sína á þessu mikilvæga sviði. Markmiðið er að efla skilning á umhverfi lífeyrissjóða og þeim þáttum sem skipta máli í rekstri þeirra.
Stjórnir bera ábyrgð á starfsemi sjóðanna og því er lykilatriði að þær búi yfir traustri þekkingu á lífeyrismálum.